女人經常被指諸多怨懟：「唔公平！」「最衰都係佢！」「點解咁對我？」總之，咩都怨一餐。「怨女」們即使跟閨蜜傾訴、行街睇戲，內心嘅怨氣依然難以全消，Chok住Chok住。《晚吹》今次特意為天下怨女送上喜訊！充滿Chill氣、格調悠閒嘅《怨女俱樂部》正式開張！由余迪偉、何居倬（Adams）同陳皓雲（Howard）擔任主持兼「輔導員」，只要有怨氣嘅女性，一律歡迎入場，費用全免！節目邀請多位嘉賓現身說法，大膽暢談各種驚險往事與人生標籤。前港姐冠軍楊思琦曾驚爆當年台慶彩排時發生嚴重意外，頭部重創直送深切治療部（ICU），事後卻遭公司下封口令，甚至被要求負傷照常出席頒獎禮；前港姐袁嘉敏亦親自拆解多年來嘅傳聞與誤解，由外貌真偽到拍攝三級片嘅心路歷程，甚至從未正式拍拖嘅感情生活，鉅細無遺地剖白私生活，勇敢回應「被包養」等種種謠言。俱樂部大門常開，等你入嚟盡情發洩，將所有鬱結一次過吐清光！